Xeyalperest (Şîîre)

Merdim tim xeyalperest o
Û her xeyal reyde newe ra xo xapêneno. 
Ge hewnanê renginan de serxoş û zerrîweş
Ge hewnanê tarîyan de kedernak û xemgîn

Merdim tim rayîrwan o
Û her rayîrwanîye de bêvindetiş reyna xo mûnayeno
Ge rayîranê dergan de rincan, hesreta keyeyanê germinan de
Ge şaristananê serdinan de meraqdarê welatanê dûran

Merdim yew budela û xapxapikê agêrayîşê zereyê xo yo
Û tim fekê dafikanê kor û tarîyan de gêreno
Merdim zereyê yew bîrê korî de birîndarê aqilê xo yo
Û her birîna ci de dejê zanayîşî sey axûya sîyaye hukm rameno.

Para mi rê zî nê axirzemanî ra tofanêk kewt
Û mi ne rîpelanê kitabanê pîrozan de xo rê manaya ciwîyayîşî dîye
Û ne zî cuye û zerrîya rengine de xo rê şabîyayîş û halînêk
Tim dima zereyê agêrayîşanê bêwextan de xeyalperest û vîndîbîyaye...