Eşq (Şîîre)

Mi rê qalê ê deyîranê kehenan ê ke
Dengbêjanê koran seba eşqî vatê, bikerê
Qalê estanikanê kehenanê sanikkeran ê şewanê dergan…
Wa dem sey royê korî çerxê xo de biçerexîyo
Û hêrsê xo sey estoranê yêlxîyan bidero rîyê ma ro.
Wa sînayoxî tim bi ê estanikan û deyîranê eşqî serxoş bibê
Û dej û birînanê xo bi a serxoşîye pîne bikerê.  

Mi rê qalê a waştîya ke eşqî ra fam nêkena
Û ey sey kayî zanena, bikerê
Neheq û biheq ma rê lazim nîyo!
Ne kî vera eşqî bexûdî û rindekîye…
Tomete nîya sîya eşqî de ax û zarîya heme şaîran
Wa xamîya min a nezanîye rê sey morî
Dejê serxoşîya a waştîya rindeka ke
Xeyalanê zuran dima vîndî bîya, bimano…