Kesa (Kese) nameyê yew rîpelê medyaya sosyal o ke babeta xo musnayîşê kirmanckî yo. Nê rîpelî 17 nîsana 2020î de Facebook û Instagramî ser o dest bi weşanê xo kerdo. Wayîrê ci Mutlu Canî, seba ke keseyî hêdî-hêdî la bi gamanê pêtan aver şonê, yanî na taybetmendîya înan munasîbê pênasê amancî yê rîpelî dîya, no name tercîh kerdo. Rîpelê KESA ke motoyê aye “kirmanckî bimuse, hêdî-hêdî la bi gamanê pêtan bimuse” yo, bê yewşemeyan her roje yew karte weşaneno, ewro di serrê xo temam kerdî.
Goreyê zanayîşo ke wayîrê aye da KESA bê ke mabên bido, şeş rojanê hewteyî de yew karte vila kena. Her karta KESA bi çekuyanê kirmanckî yê ke çimeyê înan Ferhengê Grûba Xebate ya Vateyî yo, îmaja reyde dîzaynkerde amade bena û çend cumleyanê nimûneyan ke çekuyê a karte tede yenê xebitnayene, îhtîva kena.
KESA 17. nîsane ra heta ewro teqrîben 630 kartî weşanayê. Goreyê beyanatê wayîrê KESA, kartê ke nê di serran de amade bîyê, do hetanî hamnanê 2022î de sey di cîldan bêrê weşanayene.
Wayîrê KESA vano ke rîpel do 17.04.2023 de, roja ke hîrê serrê xo temam bê, de weşanê xo rê nuqta rono. Aye ra pey kes ke biwazo mesulîyetê KESA bigîro xo ser, eşkeno aye wayîrî ra teslîm bigîro û na xebate bidomno.
Şima eşkenê lînkanê cêrênan ra biresê KESA:
