Munîh de şewa wendişî ya kirmanckî

1
348

Roja 23.01.2011 de şaristanê Almanya Munîh de hunermend Mikaîl Aslan, kuncnuştox Kamer Soylemez û şaîr Denîz Doganî kitabê xo bi kirmanckî (zazakî) day nas kerdene.

Mikaîl Aslanî kitabo xoyo verên “Hayig” ra wendo, hunermendîya xo ya nuştekî û muzîk ser o dergûdila qisey kerd.

Kamer Soylemezî kî çar kitabê domanan ke binê sernameyê “Nas kena?” de amey weşanayene, day nas kerdene. Kitabî alfabe, heywan, hacet, tarrûtur û êmîş ser o bi resiman û tewirêde basît musnayîşê kirmanckî kenê rehet. Aye ra kî dot Ewropa de karê raverberdişê kirmanckî ser o melumatê muhîmî day.

Denîz Doganî kî kitabê xo yê şîîran “Perperik” ra tayê şîîrî wendî û qalê hîkayeya kitabê xo kerd.

Şewe de xeylê kitab û albumî amey rotene, Mikaîl Aslanî kî peynîye de hîrê kilamê xo pêşkêşê beşdaran kerd.

1 ŞÎROVE

  1. IMBAZÊN ERCYAYEY, SIMA MENGDA BÎNID AMEYBIYÊ VERA HÎLDESHEÎM, SIMA SÎBIYÊ KOMELA TIRKAN, SIMA CI VERA MA NIYAMEYÊ, JA HÎLDESHEÎMDI KOMELA MA KURDAN JÎ ESTA, SIMA VERA TIYA HÎLDESHEÎM AMEYÊSE BÊRÊ MEYMANÊ MABÊ, BIMANÊ WESÎN MIYANDI ,SIMARÊ SERKEWTEN WAZENA..

Comments are closed.