Şaîrê ukraynayijî Vasîl Sîmonenkoyî adara 1963î de şîîra bi nameyê “Kurds’komu bratovi” (Курдському братові, yanî “Birayê min ê Kurdî rê”) nuşte. Şîîre 1965 de kovara almane Suchasnist de ameye weşanayene.
Babeta şîîre welatê kurdan o ke hetê şovînîstan ra îşxal beno. Tede Sîmonenko xîtabê hevalêde xo yê kurdî keno ke verba dagîrker û zaliman de pêro do ke şar û ziwanê kurdan raxelesno. Peynîya şîîre de şaîr nîşan dano ke şovînîzm dişmenê kurdan û ukraynayijan o muşterek o.
Çîyo balkêş o ke “Kurds’komu bratovi” heta ewro eseranê Sîmonenkoyî yê tewr muhîman ra yew o. A şîîre bîye sebeb ke Sîmonenko Ukrayna de bî namdar û pê edebîyatê welatî de cayê xo girewto.
Şîîre (îngilizkî ra çarnaye):
Birayê min ê kurdî rê Gonî de rişîyaye, koyî berbenê Estareyî piranîyaye, rijîyenê: Dirbetin û wedarde yê dîyaranê deştan de Şovenîzmo vêşan keweno ci. Ax kurdo, qerşunanê xo bisevekne, La heyatê qetilan ramexelesne. Pincanê zaliman û merg ser o Sey welweleka gonine degine, bibe puk û xezeb. Wa tena qerşunî înan de qisey bikerê: Ê tena seba mal û milkî nêameyê, Ameyî ke name û ziwanê to bigîrê. Û lajê to sêwî verdê. Zalimî reyde cuya razîye nêbena O do “hukm” bikero, ti kî cite biramê. Ê gonîya şarê bindestî ra benê qelew. Şovînîzm dişmenê ma yo tewr-tewr xirabin o. Ey xayînî bi şerm mare kerdo, Seba ke ti îtaet bikerê, çi ke dest ra yeno keno. Ax kurdo, qerşunanê xo bisevekne- Bê înan ti az û uzê xo ranêxelesnena, Hêzê nefretî mede weşaynayene, Dima, sey vateyî, ti do rindîye ser o şorê Gama ke gineno mezela xo ya xorîne ro Şovînîstê dinya yo tewr peyên.
1963
