Donkîşot: Kitabê nuştoxo spanîzî Mîguel de Cervantesî yo. Parçeyo yewino kitabî serra 1605 û diyîn kî serra 1615 de ameyo weşanîyane. No kitab edebîyatê Spanya de sê tewr romano moderno viren û tewr hecayen yeno qebul kerdene. Lîteraturê dînya de no roman cayo de berz ceno.
Roman nîya dest keno ci:
«En un lugar de la Mancha, de cuyo nombre no quiero acordarme, no ha mucho tiempo que vivía un hidalgo.»
„Ju cayo Mancha yo ke nameyê ci vîrrê mi nîno, tayê wextanê bê dergan ra ver yew Hîdalgo cuya xo ramitene“
Seserra 19. ra pîya xeylê fîlozofî û nuştoxî Donkîşot sero analîz û fîkranê xo ane ra pêser. Inan ra fîlozof Hegel ya kî Schiegel ya kî Henrîch Heîne tepîya seserra 20 de Mîguel de Unamuno û Ernst Bloch taye rê.
Romano Don Kîşot de Cervantesî no pers reça sono: Cuye ya kî xoza de çik raşto û çik hewn o ya kî xeyalo. Yanî konflîktê werteyê raşîye (realîte) û îdealîzm anora verê çiman. Henîyo ke qehramanê no romanî tayê cayan de yene goynayane la tayê cayan de kî sê îdealîst ya kî xêxan yenê milkî kerdene.
Roman de Don Kîşot yew protagonîsto, hevalê eyî Sancho Pansa kî reça raştîye ra nêvişîno, modermo prensîbîyo. Na semeda ê xeylê reyî nanê hure, derg a derg qesey kene û nîya benê embazî. Nîya xeyalê Don Kîşot ebê destdayisê Sancho Pansa benê nejdîyê raştîye. Nîya roman de dualîzm xeylê reyî gineno çimanê wendowan.
Xeyle seserran ra tepîya ewro hona kî însanî seba îdealê xo, seba rindiye û teduştîye danê pêro. Her çi qaşî ke no tayê vîndî, vîndîkerdîsî pîya ano, tayê însanî û sarrî sê kurdan cerîbnene ke ebê îdealê xo welatê xo û dînya dahîna rind û rindek kere. Perodayisê Don Kîşotî duştê areyanê vayan ewro hona dewam keno. Rind xirabin ra xirto!
