Serekê DTK Ahmet Turkî Colemêrg, Wan, Şirnex, Merdîn, Sert û Cewlîg ra tepîya şaristanê Qersî de mîtîngêde girs de qisey kerd. Turkî qiseykerdişê xo de va ke şarê kurdî wazeno ke xo Kurdîstan de azad îfade bikero.

Ahmet Turk û hevalê xo meydanê teyare ra bi konvoyê tomofîlan ra kotî sûka Qersî. Turkî va ke qedexekerdişê ju (yew) zonî (ziwanî) faşîstkî yo. Turkî nîya dewam kerd: “Hukmatê AKP hetê ra vano ke o wazeno ke mesaleya kurdan hel bikero, heto bîn ra kî zon (ziwan) û nasnameyê şarê kurdan rê qîymet nêmusnenê. Qalê ju (yew) nîjad, ju (yew) milet, ju (yew) alaya nîjadpereste kenê, naye şarê ma rind fehm bikero. Înkarkerdişê ju (yew) zonî (ziwanî) nîjadperestî ya, faşîzm o. Ma wazenîme ke kurdî êndî (êdî) welatê xo de weşîya xo xoser biramê.”

Qiseykerdişê Ahmet Turkî ra dime sîyasetkaranê kurdanê bînan qisey kerd û badê bi mîtîngdaran ra suxbet ame viraştene. Pêserameyîşê DTK hîna dewam beno.

CEWAB BIDE

Keremê xo ra şîroveyê xo binuse
Keremê xo ra nameyê xo binuse