1000 fîlman ra 4: “The Boondock Saints”

0
240

Nameyê fîlmê çarinî yê rêzenuşteyê ma “The Boondock Saints” (Pîrozê Boondockî) yo. Fîlm serra 1999 de ame çarnayene û eleqeyêda girse dîye.

Fîlm de di birayî Conor (Sean Patrîck Flanery) û Murphz McManus (Norman Reedus) şaristanê DYA Bosten de mîsyono bimbarek ê Heqî de û bi mantiqê  xo yê huqûqî endamanê mafya kişene û nîya bi xo benê qetil. Mewzûyo serek ê nê fîlmî pêrodayîş duştê mafya bi motîvê dînî yo. Serra 2009 de beşa dîyin a nê fîlmî vejîyaye sînemayan.

Butçeyê nê fîlmî 6 mîlyon Dollarî bî û 32 rojan de Boston û Toronto de ameybî çarnayene. Fîlm DYA de tena 5 sînemayan de ameybî musnayene, labelê qayîtkerdoxan fîlmî no eser kerdo kult. Coka bi rotişê DVD 50 mîlyon Dollarî kar vejîya. Reya verêne de no fîlm şaristanê Almanya Munîh de Festîvala Fantasî de ameybî musnayene. Deqê ke serê bêçikanê di birayan de estê, latînkî “Veritas” (rastîye) û “Aequitas” (têduştîye) ê. Muzîkê fîlmî binê nameyê “The Blood of Cú Chulainn” (Gonîya Cú Chulaînnî) hetê Mychael Danna û birayê ey Jeffî ra ame viraştene.