Gonîya kamî de ke zêde ra vîtamîn D esto, rîskê girewtena parkînsonî ey de beno kêmî. Cigêrayîşê pisporê Fînlanda ra gore parkînson ra teber vîtamîn D kî vera nêweşîya şekerî û zerrî û qenser de rind o.

Nê ekspertan ra gore vîtamîn D rîskê girewtişê nêweşîya parkînsonî 65% keno kêmî. Vîtamîn D însan zafane tîje ra cêno. Bi (ebe) kokimbîyena cîldî girewtişê vîtamin D tîje ra hende rehet nêbena. Naye ra mîsal, welatanê germ û tîjinan de xeylê kokiman de kêmîya vîtamîn D esta. No vîtamîn henî zaf werdan de çin o. No semed ra kokimî şenik vîtamîn D cênê. Hama hîna bellî nîyo ke eke sebebê na şenikîye ra nêweşîye vejîna. Heto bîn ra merdim (mordem) xo vîr ra mekero ke zêde vîtamin D kî wucudê însanî rê rind nîyo.

Xeylê vîtamîn D tayê çeşîdê masan (mosû), rûnê masan û avokado de esto. Wucudê însanî vîtamin D tenêna rind tîje ra cêna. Eskîmoyê ke qutube de şenik tîjê cênê, postsîya yê, çike ê zaf mase (mose) û rûnê masan wenê. No rî ra leşa înan de zaf vîtamîn D esto.

Merdim (mordem) ke her roje nê çîyan ra weno, îhtîyacîya vîtamîn D ya yew (ju) roje cêno:

  • 250 gramî sungî
  • 200 gramî salataya hakan
  • 130 gramî maseyî
  • 30 gramî maseyê somî
  • 30 gramî maseyê deqsûrî

Nê kesan de kêmîya vîtamîn D bena:

  • Însanê ke postê xo sîya yo û ke dima ra Ewropaya vakurî de ciwînê
  • Kokimî
  • Cinîkê diganîyî
  • Vejeteryanî
  • Şarê ke welatê xo de tîje tay a

3 ŞÎROVEYÎ

  1. Nê keseke vejateryane, inu de kêmîya vîtamîn B12 bena, hama eczane de hebane B12 roşene.
    insan şikibo bihernero, burero. Acaba hebane vitamin D ki esto çino, hata nika mı neşiya pe.

  2. Hebe / Heve Vitamin D este labele mordem gerekeke rabera bi tij u yaki werdene na kemiya vitamin D biwurno. Taye toxtori hervi hervi heve dane ison, mordem gerekeke mecero.

    Taye heve Vitamin D:

    – Sanct Bernhard: Calcium + D3
    – Greenleaves Vitamin D3
    – MinPharm Ca, Mg + Vitamin D
    – Vigantoletten 500
    – Vitamin D3 Hevert

    Ez vazen ke onca vajine, je xebere ke cor de yeno vatis, jede vitamin D lese ra qe rind niya. Hevu her waxt raya peyniya, ravera bi tiji yaki werdene mordem kemiya vitamin D wurneno.

Comments are closed.