Kaybazê Penelope Cruz û Javîer Bardem hewteyo verên bêveng, bê xebera rojname û televîzyonan zewejîyay. Veyveyê hur dimêna (her dîyan) girawanê Bahama de ca girewt.

Seba veyve salon kî nêame girewtene, sirf çêyê (keyeyê) yew (ju) hevalê Bardemî de nîştaneyî amey pirakerdene. Penelope Cruz 36 serre der a û Javîer Bardem 41 serre der o. Enformasyonê rojnameyanê Spanya ra gore no veyve de nêzdîyê 50 kesî amey pêser. Penelope Cruz û Javîer Bardem kamera ra henî hes nêkenê û cuyê xoyo taybetî her ca de eşkera nêkenê.

Penelope Cruz û Javîer Bardem serra 2008 de yew fîlmê Woody Allenî “Vicky Cristina Barcelona” de pîya kay kerdîbî. O fîlm de ê zewejîyaybî û nika kî rasta zewejîyayê. Di kaybazan karîyerê xo yê sînema de xelata Oscarî girewte.

Festîvala Cannesî ya emserên înan kerdîbî eşkera ke pîya r’ ê û wazenê ke bizewejîyê.

1 ŞÎROVE

  1. ma xore daha ki mezeviciyo? serrane xo amey 36. yani çe (ke) de menda endi. rınd kerda ki, xo xelesne ra ne cinike )

CEWAB BIDE

Keremê xo ra şîroveyê xo binuse
Keremê xo ra nameyê xo binuse