Domanê Ocaxanê Elewîyan ê Dêrsimî, seba ke destek bidê xoverrodayîşê Kobanê, dewa Mehserî ya Pirsûsî (Sirûc) de nobete cênê. Nobedaran mîyan de torna Seyîd Rizayî Zelîha Polat kî esta.
Nobedarî Dêrsim ra amey dewa Pirsûsî de bi nobeta xo piştgirîya xoverrodayîşê kurdan ê Kobanê bidê. Vilaweka grûbe de Welî Aytaçî va ke nobedarî terorîstanê “Dewleta Îslamî” (DÎ) û hetkaranê înan lanet kenê. Torna Seyîd Rizayî Zelîha Polat kî venga însanan da ke qirkerdişê Kobanê rê bêveng nêmanê.
Peynîye de hemsereka meclisê kantonê Kobanê Ayşe Efendî qisey kerd va ke destekê şarê Dêrsimî seba Kobanê zaf manîdar o, çike Dêrsim, sey Mehabad û Hewlêr kî, qurbanê qetlîaman bî. Seba ke nê qetlîamî reyna mêrê kerdene, gerek pêro kurdî bibê yew. “Zerrîya çar parçeyanê Kurdîstanî yew a. Ma nika tîya r’ îme. Wext temam o, kardî şîye estike de. Tarîxê Kurdîstanî de YPG û YPJ rîpelêde newe nuşt, rîpelo ke bi gonîya domananê ma ame nuştene. Çimê pêro dinya Kobanê ser o yê.”
Qiseykerdişan ra tepîya nobedarê dêrsimijî, pîrê elewîyî û torna Seyîd Rizayî seba Kobanê minete kerdene û loqme kerd vila.
