Bi merasîmê serrgêra 30. ya mergê rejîsor û kaybazê kurdî Yilmaz Guneyî, Silêmanî de yew festîvala fîlman yena viraştene. Çarçewaya na festîvale de fîlmê cîya-cîyayî derheqê cu û eseranê Guneyî de yenê musnayene.

Xebera BasNewsî ra gore, festîvale seba yadkerdişê Yilmaz Guneyî ya û bi hetkarîya Wezaretê Kulturî yê Herêma Federal a Kurdîstanî ra yena viraştene. Roja verêne de çar fîlmî amey musnayene. Nînan ra fîlmê “First Story” (Hîkayeya Verêne) yê fîlmviraştoxa kurde Dana Karîm hetê jurî ra sey fîlmo kilmo tewr weş ame weçînitene. Rojanê ameyoxan de hîna zaf filmê kilmî do bêrê musnayene.

Rejîsor û kaybazo namdaro kirmanc Yilmaz Guney 30. serran ra ver, 9. êlule 1984 de, dinyaya xo vurnabîye.

(Resim: BasNews)