Heyetê sîyasetmederan ke Kurdîstanê Vakurî ra şîbî Kurdîstanê Başûrî, bi serekwezîrê Herêma Federal a Kurdîstanî Neçîrvan Barzanî de ame têlewe.

Beşdarê heyetî ke bi Neçîrvan Barzanî kom bîy, hemserekê Partîya Demokratîk a Şaran (HDP) Selahettîn Demîrtaş û Fîgen Yuksekdag, parlamenterê HDP Erol Dora û Nazmî Gur, hemsereka Kongreya Komelê Demokratîkî (DTK) Selma Irmak, sereka Federasyonê Êzîdîyan ê Ewropa Leyla Ferman, temsîlkarê buroyê BDP yê Hewlêrî Cemal Coşkun û Şilan Emînoglu û serekê şaredarîya şaristanê girsî yê Mêrdinî Ahmet Turk bîy.

Qiseykerdiş de bitaybetî mewzûyanê asayîşê Kurdîstanî ser o ame vindetene. Mewzûyê ke tewr zêde bala çapemenîye ante, pêşnîyazê awankerdişê hêzê seveknayîşî yê muşterekî bî. Kombîyayîşê sîyasetmederan de behsê muhîmîya yewîya neteweyê kurdan bî, coka pêşnîyaz beno ke hêzê seveknayîşî yê kurdan bibê yew.

Heyet verê ra şîbî Qendil ser ke bi selahîyetdaranê KCK bêrê têlewe, aye ra kî ey wet Celal Talabanî zîyaret kerdbî. Goreyê melumatê heyetî ra, netîceyê zîyaret û konferansan yew kombîyayîşê çapemenîye de do bêrê eşkera kerdene.

(Resim: ANF)

CEWAB BIDE

Keremê xo ra şîroveyê xo binuse
Keremê xo ra nameyê xo binuse