Roja 24.12.2011 de Salonê Tewarî yê şaristanê Silêmanî de Festîvala 4. ya Fîlmanê Kurdkî ya Silêmanî dest kerd ci. Festîvala ke hetê Sermîyanîya Hunerî ya Silêmanî yê Wezaretê Roşnvîrî û Lawan ê Herêma Kurdîstanî ra organîze bena, heşt rojî ramena.

Hunermendê ke festîvale de yenê weçînitene, jê (sey) xelate Asika Zerrnine cênê. Emser sînemakar û fîlmviraştoxê kurdî her parçeyê Kurdîstanî ra eseranê xo musnenê. 45 fîlman ra 8 fîlmê dergî, 25 fîlmê kilmekî û 12 dokumenter ê. Înan ra rejîsor, kaybaz û kaybaze, viraştox û montajvano tewr rind xelate cênê.

Na festîvala 4. a ke Silêmanî de yena viraştene. Melumatan ra gore her serre zîyaretkerdoxî kî benê zêde.

CEWAB BIDE

Keremê xo ra şîroveyê xo binuse
Keremê xo ra nameyê xo binuse