Serekê partîya BDP Selehattîn Demîrtaşî hewteyo verên hesabê xo yê Twîtterî ser o îlan kerd ke qenaetê ey ra gore dewrê dewletanê netewe vêrdayo ra û coka waştişê dewlete seba şarê kurdî kî maqûl nîyo, la waştişê xoserîya demokratîke raya demokrasî ya.

Demîrtaş: “Seba viraştişê sîstemêde demokratîkê komelkî dewletê netewe yê neweyî çare nîyo. No seba şarê kurdî kî nîya r’ o. Dewleta netewe jê (sey) çare dîyene, jê (sey) gama xeneqîyayîşê hope de şimitişê bardaxa aw o. Labelê awe ney, to rê oksîjen lazim o. Gerek ti hope ra bivejîyê ke nefes bicêrê. Gerek dewleta netewe şenik bo ke azadîya komelkî zêde bo.”

Îdîaya Demîrtaşî ra gore waştişê dewleta netewe ya xosere waştişê demokrasîya komelkî, yanî xoserîya demokratîke ra raver nîyo. “Dewlete destê tirk ya kî kurdan de bo, çîyê nêvurîno. Dewlete bi xo çimeyê teda yo. No semed ra çîyêde eslî dewlete ney, demokrasî ya. Xoserîya demokratîke model o ke dewlete fren keno û ke demokrasîya komelan rê şanş dano.”

Fikrê Selehattîn Demîrtaşî hetê tayê kurdan ra amey rexne kerdene.

1 ŞÎROVE

  1. Nika qiseye Demirtas mordem cutir analiz bikero. Fasist Tirkiya, Sosyalist Tirkiya, Kemalist Tirkiya, Demokratik Tirkiya ni pöre seba sare Kurdi qotike axuyo. Ebe pöre ni sistemi Tirkiya vazenoke her kes bibo Tirki.

    Qiseye Demirtas xeleto. Bine havuze de bardaxe owe simitene rindo. Labele sistemeke Demirtas hewne xo de vineno, yani eke o bawer kenoke Demokratik Tirkiya mesela Kurdi hal keno, no bine okyanuse xoride jü tose owe simitena.

    Demirtasik bizone ke ma bine okyanus te ney, bine havuzede vazemeke owa xo bismeme. Oksijene sare Kurdi asimilasyonkare, kirrkerdoxkare Tirkiya ney, dewleta xoye xosera.

    200 Milete dewleta rinda, labele eke Kurdi bene mesela, inure jü dewleta haramo. Bahceli, Erdogan, Demirtas pöre vazeneke ebe numereye xo ma bixapne. Je tere Erdogan u Bahceli, ebe no qisey Demirtasik sare Kurdi inkar keno.

    Cike siyasetkari Kurdi, Kurdi inkar kene, Kurdi hata nika besenikerd ke heqa xo bicere.

    Dikara Demirtas protesto ken u eyra van ke, qiseye to iye tiyo, no rastiya ma niya!

CEWAB BIDE

Keremê xo ra şîroveyê xo binuse
Keremê xo ra nameyê xo binuse