Bestekaro kurd Dilşad Saîd yewna besteyo efsanewî pêşkêşê dinya keno. Besteyê bi nameyê “Pêşmerge”yî de mewzû Kurdîstan û qehremanîya şarê kurdî ya. 

Orkestra bi xo Prag de ca cêna. Saîd bi xo keda xo “pêro şehîd û pêşmergeyanê Kurdîstanî û keyeyanê înan rê” dîyarî keno. Beste hetê Orkestraya Senfonî ya Çekî ya Milî ra cinîyeno. Koroyê Pragî “Kühn”î kî vengê xo dano ci. Ser o kî hunermendê kurdî sey Şivan Perwer, Camşîd, Xêro Abbas, Hesen Şerîf, Hanî û Ammar al-Kofê tede ca cênê.

Eser bi kurmanckî (kirdaskî), sorankî û kirmanckî (zazakî) yo. Îhsan Nurî Paşayî ra ke awankerdoxê Komara Agirî bî û Ala Rengine kerdbî nîşanê kurdan, heta Seyîd Riza, Şêx Saîd, Şêx Ubeydallah, Qazî Mihemed, Elîşêr ûêb. – xeylê qehremanê muhîmî yê tarîxê Kurdîstanî ke seba azadîya welatê xo da pêro, tede yenê ra ziwan.

3 ŞÎROVEYÎ

  1. Orkestrayî ra, emegdaran ra helal bo. Hesasîyet û weçînîtîşê ‘dersiminfo’ yî ra, zaf spas. Qaşo ‘medyayê Kurdan de’, nê çîyî hama ke çîn ê. Ê, ebe meseleyanê muhiman û girsan ra’! Muşxul ê. Nê çîyî, gorê înan zaf muhim nîyê’! Ê, zaferî xora nê Kırdkî, Kırmanckî zanenê, ne zî nêwanenê. înan ra Tirkî lazim o!

  2. ero birawo wae video nebeno?

    ____________________

    Vîdeo YouTube ra hewa nîyabî. Ma kerd rast. Weş bê. (red.)

  3. Kamcin hunermende kirdan-kirmancan miyan no proje de estibî ? şima eşkenî nameyê inan binûsî ?

Comments are closed.