Kaybaza namdar a Hollywoodî Scarlett Johansson mêrdeyê xo kaybaz Ryan Reynoldsî ra bîye cîya.
Seba ke aşmeyanê peyênan de mabênê hur dimêna (her dîyan) bîyo xirabin û pêameyîş mumkin nêbîyo, Scarlett Johansson û Ryan Reynolds 14.12.2010 de qerarê cîyabîyayîşî girewt. Scarlett Johansson (26) û Ryan Reynolds (34) di serran ra ver zewejîyaybîy.
No qerar ra tepîya kaybaza rindeke Scarlett Johansson çêyê (keyeyê) xo Los Angeles ra vurna bar kerd bi New York. Domanê înan kî hîna çin ê. Mêrdetê Scarlett Ryan Reynoldsî merdimanê (mordemanê) xo ra vato ke mabênê ey û cinîya xo qet rind nîyo. Ey ra gore û seba Scarlett cîyabîyayîş çîyêde zêde girs û muhîm nîyo. Hevalanê înan ra gore her di kaybazî aşmeyanê peyênan de zaf gureyay û xora seke cîya bîy weşîya xo ramite.
Cîyabîyayîş ra tepîya Ryan Reynolds zaf mirozin û depresîf asayo, labelê Scarlett Johansson ra vanê ke bê hîs no qerar girewto.
Heto bîn ra kî yeno vatene ke Scarlett Johansson mêrdeyê xo ra cîya bîya, çike o ju (yew) hevala aye ra, kaybaze Blake Lîvely ra, pîya bîyo. Blake Lîvely hîna 23 serre der a û bi Reynolds setê fîlmê “Sexiest Man Alive” de pîya kay kerdo. Ê uca (uza) amey têlewe.
