Kiliçdaroglu ala û zonê (ziwanê) Tirkîya sevekneno

2
427

Serekê partîya Tirkîya CHP Kemal Kiliçdarogluyî rojnamegeran rê kerd eşkera ke di zonî (ziwanî) û di alayî şerefê Tirkîya şiknenê. Ey ra gore di zonî (ziwanî) Tirkîya lete kenê.

Serekê partîya CHP rojnemegeran rê fikrê partîya xo nîya îzeh kerd: “Ju (yew) alayê ma esto, bi (ebe) gonîya şehîdanê ma ey ra bîyo. Alayo ke ancîno (oncîno) cor, ma pêro kunîme rêzî û qîymet. No ala ne yê mi, nê yê juna (yewna) kesî yo. No ala alayê miletî yo. (…) Alayo bîn ser o qiseykerdiş hetta onurê ma şikneno.”

Kiliçdarogluyî zonê (ziwanê) kurdkî ser o fikrê xo da zanayene. Nimûneyê diziwanîye ser o qalê Belçîka kerd va “Zonê (ziwanê) mayo resmî tirkî ya. Leweyê zonêde (ziwanêde) resmî de juna (yewna) zon (ziwan) ronayene rast nîyo, welat keno parçe, keno cîya. Nimûneyê Belçîka ma ver de, miletê ke ju (yew) kok ra yeno, sebebê ke zonê (ziwanê) cîya-cîyayî qisey kenê, nika benê cîya. Ma îman kenîme ke wexto no tablo ma ver de vindeno, ronayîşê juna (yewna) zonî (ziwanî) leweyê tirkî de çîyêde rast nîyo”

Kiliçdarogluyî serekwezîrê Tirkîya Tayyîp Erdogan kî rexne kerd û va ke o besenêkeno fehm bikero ke Erdogan naye ser  o bêveng maneno. Kiliçdarogluyî ra gore Erdogan Tirkîya roşeno.

2 ŞÎROVEYÎ

  1. Mordem ke jü raye ziwane xo kerd xo virra, jü raye qalikune xo, tarixe xo, yani isoniya xo kerd xo virra, nu mordem endi hen qineser sono. Kilicdarogu k niyaro.

    Hen tersenoke, besenikeno ke siyaseta cip bivirazo. Gagane hen tedano, gana nata ganaek bota. Je tere dansöze hen xo saneno. Kilicdaroglu ney mektev de miso, cike uk perwerdiya fasist u inkarkerdene Tirkiya de wendo.

    Hen xo kerdo xo vind ke, akil dano siyasetbaze populiste rastgir Erdogan. Hire mezge dol Kilicdaroglu, Bahceli u Erdogan jümin diye, cewe xo kene pirr u niya jümin de rekesine.

  2. Kemal Kılıçdaroğlu, Xwı Kırd qebul nikenuw u xwı Tırk qebul kenuw. Yani; aidiyetiy xwı uw tabii inkar kenuw u xwı aidiyetêkuw bin ra bestenuw…
    In çi zaf bi… Merdum ına newin zaf vırazyey lakin myerık ze ın qısan iy xwı vonuw rêk bye perva qısey kenuw, qet paxır Kırdan nikenuw….
    Hal ınaw ku: Herındê yıd merdumêkuw Tırkbên bawer kena hındek zi bye perwa ewug qısê nikerdin u bınêk paxır Kırdan zi bıkerdên. Merdum ug ze asıl xwı inkar bıkeruw aw merdum qanun u prensiban zi inkar kenuw; tabir yı caiz se benuw bye kitab, benuw bye qıblı. ew merdum ra hıny her xıravi peyda bena…

Comments are closed.