Taximê ke par Lîgê Şampîyonan de yewin bîbî, na fay nêşîkîya di serrî têdima Lîgê Şampîyonan de şampîyon bo.

Juventus Turîn û Real Madrîd vizêr şan de seba fînalê Lîgê Şampîyonan Spanya de ameyî têlewe. Maço verên de Juventusî keye de verba Real Madrîdî bi 2:1 galîb amebî, coka Real Madrîdî ceribna ke nê maçî bicêro. Madrîd rew bi golê Chrîstîano Ronaldoyî (dq. 27 – penaltî) kewt ver. Henî asa ke Real Madrîd bi rehetî nê maçî cêna. Labelê Juventus heta daqaya peyêne nêvindet û tim kayê xo ard ca. Nêmo dîyin de fotbolbazê kan ê Real Madrîdî Moratayî gol eşt û taximê xo nîya eşt fînalê turnuva. Herçiqas ke xeylê şansê Real Madrîdî estbîyî kî, Ronaldo û taximê xo besenêkerd golo dîyin bierzê.

Fînalê Berlînî de Juventus û FC Barcelona duştê yewbînan de kay kenê ke emser kam beno şampîyonê Ewropa.