Zaf ney, la şenik bibo zî, xeyalê mi çend reyî şikîya. Xeyal ke bişikîyo, omid zî şikîno. Xeyal û omid girêdayê yewbînî yê. Nê serranê peyênan de xeyalê mi di reyî şikîyayî.

1 – Mi zen kerdbî ke gerîlayî, serekê gerîlayan no durişmeyê Ocalanî yo ke çiman ver der o, seba sebebê hedefê gerîlayan qet çîyê çin o, zelal o, red kenê.

No çi heyf ke nêbî û êndî “tirkîyayijê” ebe destê dewleta tirkan demê xo girewto.

2 – Mi zen kerd ke rojawanê Kurdîstanî ke îşgalê dewleta Sûrîye de raxelesîyo, êndî asteng nêmaneno ke ebe dewleta Kurdîstanê Başûrî beno yew.

No zî nêbî û xeyalê mi îta de zî şikîya

PYD nê firsendî ebe destê xo dûrî kerd û keno. Xora temsîlkarê PYD eşkera vanê ke “Ma letebîyena Sûrîye nêwazenîme”

Loro, loro!

Nê çîyê ecêbî, nê vate û planê xorî û tarîyî kamî kerd para welatê ma û şarê ma? Şima pêro zanenê, zanenê! Xora muşgulat zî no yo ke şima zanenê, la veng nêkenê. De veng mekerê! La ma ra zî, mi ra zî mevajê “Ma Kurdîstano azad wazenîme”

Plan “tirkîyayij” o, vate zî ge-ge Kurdîstan o!

Mevajê, çike ma doman nîyîme. Plan “tirkîyayij” o, vate zî ge-ge Kurdîstan o! Ebe kilama “Kurdistanî, ma bixapnê”, ebe planê entgrasyonê Tirkîya zî sîyaset bikerê! Ox! Ma zî werd.

Wa her kes rind bizano ke, her kes hewl bizano ke yew şar (haşa) pêro ehmaq nîyo. Wa her kes rind bizano ke planê tarîyî heta peynîye tarî de nêmanenê. Kamê ke xeyalê nê miletî ebe planê xorîyan şiknê û şiknenê, rojê hesab do bidê. A roje zî do bêro!

Seba nînan ez reyna ê persê xo pers bikerî: Şima ke dewlet bîyene û yew bîyena Kurdîstanî nêwazenê, qey no şar xapna? Şima ke entegrasyon û tirkîyayij bîyene wazenê, qey koyan de, Qendîl de, Başûr de, Rojawan de qalê herbî û kantonan kenê? Ma qey Amed de, Dêrsim de qalê kantonî nêkenê?

Seba nê cayan destûr çin o, ha!

Ma qey Amed de, Dêrsim de qalê kantonî nêkenê?

Nika zî bi nê planê entegrasyonî weçînitiş kerd weş. Meydanan de, nutuqan de ancîna ne kirmanckî ne kî kirdaskî esta, ebe tirkî qalê çilo-pilo kenê. Nê vateyî, nê çîyî xora estbîyî, keko! Şarê ma seba nê vateyê ke qet seba Kurdîstanî çîyê çin o, canê xo, domanê xo, malê xo, milkê xo nêda.

Êndî HDP bîya leteyê partîya sîstemê Tirkîya. A zî seba naye kilama demokrasîye vana. A demokrasîya ke heqê dewletbîyena Kurdîstanî nêwazena! Tew! Tew ke çi tew!

Xeyelê min o k şikîyo, Başûr de ewro beno berz! Ti weş be, Başûr!

3 ŞÎROVEYÎ

  1. oxx ma kî werd! heya raşt a, Heq bo Pîr bo ke raşt o. miletê ma çiqa rahat xapîno yaww

  2. Hezanê global seba dewleta Kurdistan amadeye. YDA, Almanya, Fransa, Israil, Macarîstan … ney eskera kene. No endi rastîya dustê Tirkan, Ereban û Iranîyan û bî taybetî duste tayê kurdan dewleta ma yena ronayis. Na rayê de erjayê HDP yakî PKK endî qe çîno. Amerîka rayê ronayisê Kurdistan de înan re qe pers nikeno. Îk endî xo eynayê dewan de mevine. Motorê xelesiyayisê Kurdistan Serok Barzanî û Kurdistanê Bashur û gama bînîk Rojava Kurdistan o. Amerîka endî sevazo, vano ke “Ey sare Kurd piya be, heze xo bide Rojava û mumkin bibe nejdiye Deryaye Sipî. Çike tewr gama muhima dewletbiyayis resayise deryayo.

    Hdp mdp hona kayo xore dewam kero. Bi ajane tirkî xo hona bixezelne. Venge gama dewleta ma hesino. Heze xo buti seba ney bidime.

  3. Ganî kurdî xo sîstemê dagîrkeran ra azad bikên. Şima dî Mehabad de senîn a. Kurda rê hertim vatînî şima welat parçe kenî. Tabî ma parçe kenî! Welatê şima sexte û viraşte yo ke parçe nêbo? Eslê xo de wezîfeya her kurdêk a ke welatê dagîrkeran parçe biko û Kurdîstano azad awan biko

Comments are closed.