Dewletê Yewbîyayeyî yê Amerîka (DYA) ra dima Rûsya rotişê çekan de dinya de cayo dîyin cêna. Serra 2009 de dewleta Rûsya 8,5 mîlyar Dollarî rê çekî rotîbî û aye ra rekorê xo şiknayo.

Emser Rûsya werteyê 6 aşmeyan de rekorê 2009 newe ra na ro. Hewteyanê verênan de Rûsya 16 teyarayê cengî, jetê MÎG-29K rotî. Hindîstan aye ra teber emser helîkopterê MÎ-17V-5 kî cêno.  Welatê dewlemendî ke wayîrê petrolî yê, sey (jê) Venezuela kî muşterîyê rindî yê Rûsya yê. Venezuela emser tankê 92-T herinena.

Rûsya jet, botê binawe, tank, çekê otomotîkî û fuzeyan îhrac kena. Emser ya kî serrêna fuzeyê Îskenderî yê ke 280 km menzîle xo esto, yeno rotene.

Para rotişê çekanê dinya goreyê welatan nîya r’ o:

  1. DYA: 30%
  2. Rûsya: 23% 3
  3. Almanya: 11%
  4. Fransa: 8%
  5. Îngilîstan: 4%

Para muşterîyanê çekan kî:

  1. Çîn: 9%
  2. Hindîstan: 7%
  3. Koreya Başûrî: 6%
  4. Mîreyîyê Ereban: 6%
  5. Yunanîstan: 4%
  6. Tirkîya: 4%