Wezirîya ziretî ya Tirkîya cigêrayîş werdan ser o da zanayene. Wezirîye ey de xeylê werdî kontrol kerd û înan ra 1.1171 teneyî standardê Tirkîya ra gore xirabin vejîyay. 17% yê nimûneyanê hêjîre de, 15% yê nimûneyanê îsotê perikî û 21% yê hingimên (hemgen) de madeyê aflatoksînî esto.

Înan ra hingimên (hemgen), goştê kerge, îsoto perik û hêjîre zafê reyan xirabin vejîya. Werdena înan leşa însanî ra nêweşîye ana. Înan ra teber kî 33% yê nimûneyanê bekmezî neweş vejîya. Gerek ke werdoxî nê werdanê xeripîyayeyan ra, bitaybetî hingimên (hemgen), goştê kerge, îsoto perik, hêjîre û bekmezê Tirkîya meherînê ya kî herinayîş de diqet bikerê.

Heto bîn ra tayê nimûneyanê goştî de goştê xoz, her û estorî (astorî) vejîya. Findiq, qeysîyê huşk, hêjîra huşka û fistiqa Antepî de madeyê axûyin ê aflatoksînî ame dîyene. Aflatoksîn yew (ju) nezîlê axûyan o. Aflatoksîn B1 leşa însanî de qenser virazeno. Bi (ebe) aflatoksîn B1 rîzîkoyê girewtişê qenserî zaf berz o. Ewropa û Amerîka de 1976 ra tepîya para aflatoksînî ya werdan ameye sînorkerdene

Raporê wezirîya ziretî ya Tirkîya ra gore werdê pitikan de kî xeylê qersune esta û tayê şîranîyan de boyax esto.

2 ŞÎROVEYÎ

  1. Coki nıka her keşit neweşiye biye zede. guno verende neweşiye diabeti, tansiyon zaf çinebi. Nıka şaristanuda her kes neweşo. Tede riye werdena u sımıtenayra beno.

  2. Sare ma onca sono çiye Tirku ceno. Rusya xeyle emise Tirkiya carna. Zere xeyle çide zehir esto. Sare make Tirkiya dero mecburo ke inu buro. Hama iyeke Ewropa dere i caye cene ez hona fam niken. Dewlemende lorte Tirki her çiye xo Ewropa ra hernene, sare ma Ewropa de nisenero hama çiye, emise Tirkiya ceno. Mordem gerekeke jü siyasette ni her cade hesar biwo.

Comments are closed.