09.01.1959

Awbendê Rivadelgado Spanya de rijîya, 145 kesî xeniqîyay merdî. No awbend di serran ra ver ameybî viraştene û seba ke xeylê şilîye vara (vora), awbend besenêkerdo pêro awe bar bikero.

02.12.1959

Awbendê Malpasset Fransa de rijîya, semedê laserî ra 420 kesî merdî. Xeylê meyîtî nêamey dîyene.

25.03.1960

Awbendê L’Oros Brezîlya de sifteyo ke virazîyayêne, rijîya. Laser û awe 1.000 kesî kiştî. No awbend kî şilîya pête ra tepîya rijîya xo ser. Bextê xeylê însanan gureya ke alarmê rijîyayîşê nê awbendî raver ra ame dayene, no semed ra xeylê kesî remay û xo rind sevekna, aye de 1.000 kesî merdêne.

09.10.1963

Awbendê Longarone Îtalya de semedê berzbîyayîşê duştê awe ra koyê Tocî xij kerd. No semed ra 260 mîlyon kubîkmetre kemer û kucî kot zereyê barajî. No rî ra awe serde şîye û di dewê girsî ard binê xo. 3.000 kesî merdî.

29.11.1967

Awbende Sempore Îndonezya de wextê viraştişî de rijîya, 200 kesî merdî. Tepîya no awbend ancîya (onca) ame viraştene û 1978 de qedîya.

04.01.1970

Awbendê Frias Arjantîn de rijîya, laser ra 100 kesan dinyaya xo vurnaye.

26.02.1972

Awbendê Buffalo-Creek DYA de semedê şilîye ra ame rakerdene û 125 kesî tede merdî. Awe linc û lece awbendra tesa u xeyle caye ard bine xo.

09.06.1972

Awbende Canyon Lake DYA de rijîya, 238 kesî merdî, 3.057 meyît bîbî vîndî, 1.335 banî (bon.î) binê awe de mend, 5.000 tomofîl zerar girewt.

08.8.1975

Semedê tayfun û şilîye ra Çîn de 62 awbendî rijîyay. 231.000 kesî merdî. Des serrî Çîn de awbendî nêamey viraştene, labelê na trajedî dima ame xovîrrakerdene û xeylê awbendî reyna amey viraştene.

06. 11.1977

Awbendê Kelly-Barnes DYA de semedê şilîya pête rijîya, 39 kesî sey (jê) netîce merdî. Naye ra tepîya no awbend nêame viraştene.

20.04.1986

Awbendê Kantale Srî Lanka de rijîya. Rîyê laserî ra xeylê dewî binê awe de mend û 178 kesan canê xo day.

07.08.1994

Awbendê Tîrlyan Rûsya de rijîya, 37 kesî merdî.

04.06.2002

Awbendê Zeyzoun Surîye de rijîya, 100 kesî merdî.

10.02.2005

Awbendê Shadi-Kor Pakîstan de rijîya. 500 kesî merdî, xeylê dewî binê awe de mendî.

30.09.2006

Awbendê Gusao Nîjerya de rijîya. 40 kesî merdî, 500 banî rijîya