Resama fransize ra tabloyê Asya Ramazan Antar

0

Resimviraştoxa fransize Elisabete Cargnello gureyê xo yo peyên de tabloyê şervana YPJ ya namdare Asya Ramazan Antar (Vîyan Qamişlo) viraşt. Asya endama YPJ bîye, a serra 2016î de şerê duştê çeteyanê DAÎŞ de Minbic de 19serrîya xo de bîye şehîde. Bi no tablo Cargnello waşt Asya yad bikero. Tabloviraştoxe Cagnello ard ziwan ke no tablo teyna tabloyê Asya ney, la tabloyê pêro şervananê kurdan o.

Elîsabete Cargnello da zanayene ke a binê tesîrê şoreşê Rojawanî de menda û şervananê kurdan aye çim de qehreman ê. Seba ke DYA û Ewropa virênîya hêrişanê Tirkîya nêgirewte, aye tabloyê Asya Antar viraşt.

Elîsabete Cargnello serra 1973î de Parîs de maya xo ra bîya. May û pîyê aye Portugal ra koç kerdî ameyî Fransa. Domanênîya xo ra nat resiman virazena û ê resiman de cinîkî cayo muhîm cênê. Yew roportajo ke aye be Rûdaw kerd, aye va ke cengê cinîkanê kurdan û xirtîya înan zaf tesîr ro aye kerd. “Wexto ke mi dî ke mêrik û cinîkê kurdan hetê DYA û Ewropa ra teyna verdîyayê, ez zaf bîya xemgîne. Mi no portre viraşt ke înan yad bikerî, bitaybetî Asya Remazan Antara ke hende gênc merde û seba mi sembolê xirtî yo.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse