Rayîrê sereke ê kampusê Unîversîteya Mamekîye taxê Aktulukî de nameyê Seyîd Rizayî girewt û nika seba trafîk rakerde yo.

Rayîro pîl ke zereyê kampusê unîversîte der o, merasîmê rakerdişî de nameyê serekê namdarî yê kirmancan Seyîd Riza girewt. Merasîm de rektorê unîversîte Prof. Dr. Durmuş Boztug, serekê konseya wendekaran Ferhat Guven û xeylê wendekarî beşdar bîy.

Qiseykerdişê xo de rektor Boztugî va ke “Ronayîşê Tirkîya de xeylê xeletîyî amey kerdene. (…) Nê xeletîyan ra yew 1938 dardekerdişê Seyîd Riza, laj û hevalanê ey o. Yew mehkeme de ke peyê hewteyî de yena kerdene, ke tey serra Seyîd Riza yeno qij kerdene û serra lajê xo yeno pîl kerdene, ke tey waştişo peyên ê Seyîd Rizayî yo ke ey lajê xo ra ver darde bikerê, ancîya otorîteyî laj verê çimanê pî de darde kenê.” Qiseykerdiş ra tepîya torna Seyîd Rizayî Kardelen Polat ra pîya kurdele ame birnayene û tabelayê rayîrê sereke yê Seyîd Rizayî ame aliqnayene.

2 ŞÎROVEYÎ

  1. Helbet nameyê Seyîdê ma binusîyo, rind o, la bi Tirkî ney, bi Kirmanckî!

  2. Caye tirki nusnene? No otoasimilasyono, seserra 21. de hona besenikeme ju tabelaye xo zone xo de binusime…

Comments are closed.