Dêrsimijan qetlîamê Anqara bi çalakîya xo şermezar kerd. No esna de hûmara merdeyan a qetlîamî resaye 121 kesan.
Grûba ke çalakîye kerde, Rayîro Serek ê Komare de kom bî, uca ra bi sloganan şîye, qetlîam û dewleta Tirkîya şermezar kerdî. Şîyayîş ra dime yew çalakîya roniştişî ameye kerdene. Badêna, hemsereka Qezaya Dêrsimî ya HDP Ozge Perîhan Hoşoglu nameyê grûbe de qisey kerd. Qiseykerdişî ra tepîya grûbe nûmayîşê xo berd heta Parkê Seyîd Rizayî, uca çalakîye qedîyaye.
Bîlançoyê qetlîamê vizêrî her roje beno zêde. Goreyê merkezê krîzî yê HDP ra, heta nika 121 kesan canê xo dayê. Nameyê 120 kesan kî eşkera bîyî.
