Ma silam dabî Kekûkî û vatbî “sodirê to bixeyr!” Ez ê lêlê sodiran rind zanena. Dinya aleme o waxt bêqisawet hewnê şîrinî der a.
Tenya tayê kesî û tayê welatî o waxt pay ra yê. Rîyê înan de vayê lêlê sodirî herekînê, çimê înan gilê koyan, xorîyîya neqebeyan der ê. Zereyê înan de kelecanîye, omid, vernîya înan de adirê herbî.
Barê xo giran ê, karê xo zaf muhîm ê.
Hedef zelal bî: raxelesîyena Şingalî!
Linga înan mabênê vengan û bêvengîye der ê, fekê înan de yew kilama beleke menda. Ya a kilame do vajê ya zî lorike. Ya mizgîne ya zî xebera binkewtîye. Ya huyayîş ya berbiş. Gilê koyan, şehr û sûkî ebe tîja sodirî ya beriqîyêne ya pelexîyêne.
Pêşmerge ya ebe tîja sodirî mizgîne zimnêne, ya zî a mizgîne tepîya verdêne. Pêşmerge nameyê xo ra zî aseno ke ver bi mergî şîyêne. Pêşmerge ebe herbî kay nêkeno, ya ser kewtene ya ser kewtene! Pêşmerge omid o, elçîyê omidî yo.
Lêlê sodirî de kewt raye pêşmerge. Ver bi Şingalî giran bi giran şîyêne. Waxt ame, çar het ra hêriş kerd. Ko zingîya, zime û verroj ebe vengê çekê înan herekîya. Teyrê Şingalî ver bi asmên herekîyayî. Adirî dest kerdbî ci. Waxtê qesasê şarê ma yê êzîdîyan, waxtê raxelesîyena Şingalî bî. Serek Berzanî (sey zaf qaşo serekan, herb ra dûrî ney) zereyê adirê herbî de bî ancîna.
Zalimê Şingalî çar hetan ra gêrîya. Roje roja pirodayîş û hêrişê (domanan ney, yê) pêşmergeyan bî. Hedef zelal bî: raxelesîyena Şingalî!
Pêşmergeyê qehremanî, hîna ke dinyaya aleme hewnê xo yê şîrinî de bîye, kewt Şingal. Vengê pêşmergeyan sûka Şingalî de zimîya. Alaya Kurdîstanî sûke de berz bîye.
Alaya Kurdîstanî sûke de berz bîye
Sey Kerkûkî, seke mi nê dîmenî dîyî, zereyê mi ra bîhnêde xorî, asteyê sêneyê mi berz kerd na ro. Na ray a cumle fekê mi ra reyna vecîyaye: Sodirê to bixeyr bo, Şingal!
Dime ra ez bi na kelecanîye kewta xeyalan. Mi xo bi xo pers kerd: Gelo ez çi waxt şikîna vajî “Sodirê to bixeyr Dêrsim, Çewlîg, Amed, Xarpêt, Gimgim, Wan, Agirî”?
Ez..
Çi waxt..
Wa xeyalê mi cayê xo de vindê, nika Şingal. Ebe pêşmergeyî, sodirê to bixeyr, Şingal!
Bira Ilhami ti ju rozek sodire Amed, Dersim u Cewlig kena xeyr. Endi kemerane domino giran u giran ginene war.
Ma be xer bira, hewne u xeyale mi a rozede welet pero Azad bo, Dersim Erzigan, Amed, Gimgim… , pere piya sere xo de bibo.
Ez erzinganrao, hale zone ma zaf xirab bîyo. Ez par ra şîy dewe tene firsate mi bî ez şere dewucu kerd. Pere tirkiye xirab qeşe kene. Zone ma kirmancik zaf senik qeşekene. Eke nî doman bî qe qeşe nekene. Zona ma bîy vînd sono, nu ebe deste qu keme. Kes çîno na hala bîyaro vîr u roşt bîkere. Dewede mekteb kerdo ca, doma nika sone qazaya tirkide wanene uzade rew bene asîmîle u bene süni müslîman nu hal zaf berbato u Ma u Pîeye nî damano ferq nekene doman çi bene.