Gelîya Mizurî ke serra 1971 de sey Parko Milî ameye îlan kerdene û 42 hektarî ya, normal de wayîra tebîetê rindekî ya. Labelê nika semedê pîknîkkerdoxan ra ke çopê xo verdanê, newale binê tehlukeyê qilêrinbîyayîşî der a.

Gelîya Mizurî ya Dêrsimî sebebê zaftewirîya xo ya nebat û hewyananê kovîyan ra bîbîye Parko Milî. Aye ra kî dot seba dêrsimijan Mizur hertim zîyare bî, erja xo ya bawerîye berz a. Eke hewa beno rind, milet kî şono gelîye de fetilîno, pîknîk keno. Labelê seba ke ê çopê xo tey nêbenê erzenê tebîet, Mizur beno qilêrin.

Nika beledîya, hemwelatî û rêxistinê sîvîlî gureyenê ke Gelîya Mizurî pak bimano. Mudirîya Karanê Parkî ya Beledîyaya Dêrsimî da zanayene ke ê konteyneranê çopî nanê ro. Yeno waştene ke milet çopê xo erzeno ê konteyneran.

Gelîya Mizurî ra teber Gelîya Pilemurîye kî wayîra heyatê kovîyê dewlemendî ya. Uca de kî giran-giran tebîet destê însanî ra beno qilêrin.