Newala Mercanî ke mabênê Pulur û Erzinganî der a, tede yew ca esto ke sey “Herêma Golan” name bena û seba tebîethesan zafê reyan raywanîya derge la rindek a. Labelê no taw tebîethesan dî ke ê çar golanê newale ra di golî bîyê ziwa, yewê kî ha bena ziwa.

Ê tebîethesî yê Grûba Gêrayoxanê Dêrsimî ra bîy û a roje raywanîya 70 kesan viraştîbîye. Şeş saetî şîyayîş ra dime reştî Herêma Golan, la manzara cîya bîye: nê çar golanê ucayî ra di golî bîy ziwa. Yew gole kî prosesê ziwabîyayîşî der a.

Berpirsîyarê grûbe Malîk Kayayî no derheq de va ke “Normal de pêşê nê golan vewrin ê, gerek tede cemed estbo. La semedê vurîyayîşê hewayî ra sewîyeya awe kewte. Normal de gerek sewîyeya awe sey serranê verênan de hîna berze bibo. Labelê seba ke hende vewre nêvaraza, ma newale de vilikî kî nêvînenê.”