Komela elewîyan a Clusesî de skandal

1
335

Deyîrbazê dêrsimijî Mehmet Durnayî seba ke ju (yew) şewa kulturî de ke hetê Banê (Bonê) Kulturî yê Elewîyan yê şariştanê Fransaya başûrî Cluses de virazîyaybî, AKP û meseleya kurdan ser o qisey kerd, hetê sermîyanîya komele ra sahne ra ame war ardene.

Mehmet Durna, badê ke vejîya sahne, di kilamê xo vatî û dima bi (ebe) kilmekîye serebûtanê Tirkîya û Kurdîstanî ser o qisey kerd. Durnayî no qeseyê xo de AKP rexne kerd û va ke: “AKP nêwazeno ke na meseleya kurd û elewîyan hel bikero. AKP û dewleta tirke pîya wazenê ke elewî û kurdan asîmîle bikerê û ceribnenê ke kurd û elewîyanê xo bîyarê meydan.”

No qiseykerdiş ra tepîya sermîyanê komele Mehmet Durnayî ra vat ke programê xo bibirno û sahne ra bêro war. Dima, peyê sahne de sermîyanî ci ra vat ke qeseyê Durnayî nêşîyo weşîya mêmanan. Durnayî teber ra va ke no tewir maneno ro faşîştanê Tirkîya. Henî asa ke Durna tam wayîrê hîsanê xo nêbî. “Ez no fehmo peysermende yê komelanê elewîyan qebul nêkena. Na mudaxile peynîya peynîye de vera pêro kurd, roşnvîr, şoreşger û heto bîn ra kî vera merdimanê (mordemanê) elewîyan jê (sey) mi ameyo viraştene. Tirkîya de konseran de ez fikranê xo rehet rehet ana zon (ziwan), labelê noca (naza) de ez no sîyaseto qedexekerdox rexne kena. Ez na neheqîye qebul nêkena.”

Mehmet Durna weşîya xo Fransa Annecy de rameno û serra 2009 de rastê hêrişê tirkperwerê radîkalî bîbî.

1 ŞÎROVE

  1. Nî bomî vane ke ziwane xo cawerde u biyere Tirkî qeseykere, ezîk wazenke nî bomine wazine ke, ey bomu, na ziwan Sey Riza qesey kerd, Sex Seid qesey kerd, ma cutir na ziwane wes ra vireme??? Simake sare xo des dere, ma ziwane xora nivireme, jü ziwannamuse jü mileto.

Comments are closed.