Weqfa weşîya merdiman (mordeman) a Almanya “Stiftung Männergesundheit” ra gore merdimî (mordemî) cinîkan ra gore zêde benê nêweş û tenêna zêde kûnê binê depresyonan. No rapor ra gore merdimî zafane zaf alkol şimenê, sirf ju (yew) het ra wenê, xeylê werdê rûninî wendê û cinîkan ra zêde cixara şimenê. No semed ra leyê faktoro genetîk de kî emrê merdiman yê cinîkan ra tenêna kilm o.

Merdimî xeylê nesilî weşîya xo wa weş nêramitê. Ju (yew) sebeb kî perwerdeyê pîyan o. Çi ke pîyî kerd, laz kî aye keno ûsn. Hetê ra kî faktoro komelkî esto ke “merdimo (mordemo) xirt” cixara şimeno, tarrûtûr û êmiş zêde nêweno, la înan ver a zaf alkol û goşt weno û zêde doktor nêşono. Pisporanê weşîye ra gore no tarzê heyatî qet weş nîyo. No rî ra xeylê merdimî zaf-zaf kûnê nêweş û benê depresîf. Fikro ke cinsîyetê merdiman yê cinîkan ra zêde qewetin o, rast nîyo. Rasta ci, krîzê zerrî merdiman de çar reyî zêde vejîno, hûmara despresyonan kî 3 qatî zêde r’ a.