Kanalê televîzyonî yê domanan bi nameyê Zarok TV ke weşanê xo bi hîrê lehçeyanê kurdkî kirmanckî (zazakî), kurmancî (kirdaskî) û sorankî keno, roja newroze keweno fealîyet.

Merkezê kanalî Dîyarbekir o. Xeylê wext o ke amadekarîya kanalî yena kerdene. Vilaweka heyetê awankerdişî yê kanalî de yeno vatene ke “Xeylê xêzefîlmî, tede Şîranikî, Sunger Bob, Gumbale û Adventure Time, bi dublakê kirmanckî û kirdaskî yenê dîyene.” Aye ra teber, programê “Zarokîstan”î de tarîx û taybetmendîya kulturî yê mintiqayanê cîya-cîyayan yenê musnayene, programê “Dora Te” de kî domanî besekenê mewzûyê ke nêzanenê, înan bipersê.

Ame dayene zanayene ke weşanê kanalî de bitaybetî giranî yeno dayene kirmanckî ser ke lehçeya kirmanckî newe ra candar bibo û raver şêro.

Zarot TV peykê Turksatî ser o yeno qayît kerdene. Melumatê peykî:

Frekans: 12605
Polarîzasyon: Tîkane (Vertîkal)
Sembol: 27500

https://www.youtube.com/watch?v=bwY-Di29amI

 

1 ŞÎROVE

  1. Yê ku çêkiriye karekî zaf pîroz kiriye. Bi taybetî hebûna zazakî di kanalê de zaf muhim e. Em wan kesan bi dil û can pîroz dikin.

Comments are closed.