Şirketê Înternetî Google serran ra tepîya welatê Kurdîstanî kî servîsê xo yê xerîtayan Google Maps de da musnayene. Google Mapsî sînorê Kurdîstanî Gurcîstan ra heta Deryaya Sipîye kerd keyepelê xo.

Şaristanê jê (sey) Qoçgîrî, Dêrsim, Erzingan, Dîyarbekir, Mûsil, Kerkûk, Igdir, Kirmanşan, Erzirom û xeylê cayê bînî zereyê sînoranê Kurdîstanî de amey musnayene. Google leyê na xerîta de Kurdîstan ser o wendoxanê xo rê enformasyonêde nîyanên dano: “Kurdîstan mintiqaya cografyaya kulturkî ya ke tede kurdî goreyê tarîxî zafêrîya nufusî cênê û ke tede kultur, zon (ziwan) û nasnameyê kurdan bi delîlanê tarîxî amey ispat kerdene. Kurdîstano nikayin goreyê nufusê rojhelatê Tirkîya (Kurdîstanê Vakurî), vakurê Îraqî (Kurdîstanê Başûrî), vakurê rojawanê Îranî (Kurdîstanê Rojhelatî) û vakurê Sûrîye (Kurdîstanê Rojawanî) yeno pêra. Na xerîta texmînê ê cayan o ke tede zafêrîya nusufî xerîta û enformasyonanê tarîxî ra gore hetê kurdan ra ameye pêra.”

Xeylê kesî Înternet ser o cayî bi Google Maps saye kenê û henî enformasyonan vînenê. Çiqas ke xerîta goreyê texmînan ra ame xêz kerdene, hetê tayê kurdan ra rexneyê nêmcetbîyayîşê xerîta ame kerdene. Înan ra gore kî tayê cayê Kurdîstanê Rojawanî û Vakurî nêmcet vejîyayê.