80 serranê înkarî ra tepîya partîya Tirkîya CHP verê weçinitiş de lerze-lerze tayê xizmetanê xo bi kurdkî virazena. Goreyê rexnegiran ra henî aseno ke partîya CHP na game seba rayanê şarê kurdan erzena.

Jê (sey) nimûneyî, projeyê weçinitişê CHP “Asuransê famîlya” ame çarnayene bi kurdkî, broşurê weçinitişî “Asuransê Famîlya” kî bi kurdkî şaristananê Kurdîstanî de beno vila. Keyepelê kurdkî no taw yeno hazir kerdene, enformasyonanê dormeyê CHP ra gore bîyografîya serekê partîye Kiliçdarogluyî û sîyasetê partîye bi kurdkî no keyepel ser o bêrê neşr kerdene. CHP kî TRT 6 ser o kampanyaya weçinitişî bi reklamanê kurdkî virazena û Mêrdin de roja 8 adare de deyîrbaza Zuleyha bi kurdkî kilaman vana.

Fikr û vengê şîrovekerdoxan na babete ser  o cîya r’ ê. Tayê vanê, partîya AKP ra dime, CHP kî na game ra 80 serran ra tepîya realîteya kurdan tenêna qebul kerde. Tayêne ra gore CHP sirf pê kurdan xapnena ke zêde rayan bicêrê.