5. tebaxe de fîlmêde newe vejîno sînemayan ke karo qilêrin ê Miletanê Yewbîyayeyan (MY) cengê Bosna yê serranê 1990an de musneno.  The Whistleblower (Saloxder, Muhbîr) seyrkerdoxan rê musneno ke eskeranê aştîye ê MY Bosna de 1990an de heqê merdiman (mordeman) şikitê.

The Whistleblower hetê rejîsor Samuel Goldwynî ra ame çarnayene û serrol de kaybaza îngilîze Rachel Weîsz kay kena. Weîsz no fîlm de jê (sey) polîsêda MY vînena ke tayê endamê hêzanê aştî yê MY kûnê tîcaretê trafîkê seksî yê girawanê Balkanî. No fîlm de rîpelêde sîya yê MY bi efektêde girs yeno musnayene. Mesela, çitur tayê eskeranê MY Ukrayna û welatanê Balkanî ra çênekanê (kênekanê) qijan seba keyf û xezelnayîşê xo bi hawayêde îlegal anê xo het.

The Whistleblower hîkayeyêda rast a herbê Bosna ser o virazîyaya ke mewzûyê rotişê însanan jê (sey) kole ser o vindeno. Serrolan de Rachel Weîs û Monîca Belluccî kay kenê.