Viraştoxê tomofîlan o alman Volkswagen (VW) xeylê wext o ke wazeno şîrketê kamyon û otobusan ê almanî MAN bicêro. Xora 13 % ê hîseyanê MAN VW girewtîbî. Aşma gulane de nê aksîyonî bi 30% kerdî berz, nika VW bi 55,90% wayîrê MAN o.

Nê serranê peyênan ra bi nat VW binê sermîyanîya Ferdînand Pîechî de ceribneno ke fîrmaya tomofîlan a tewr girs a dinya bo. Nika binê nameyê markaya Volkswagenî da-des şîrketê erebeyan estê (nînan ra Audî, Seat, Skoda, Bentley, Lamborghînî, Bugattî, Scanîa û nika kî MAN).

Cîroyê grûba MAN serra 2010 de 14,7 bîlîyonî Euroyî bî. MAN de pêro dinya de 31.284 karkerî gureyene, şîrket beşanê kamyon, TIR, otobus, motorê gemîyan, enerjî ûsn. de kar keno. Seba çêregserra 2011 MAN goreyê 2010 26% daha qazanc kerdo.

Pîyaseya TIRan de para MAN
Pîyaseya otobusan de para MAN