Festîvalê Kultur û Tebîetê Mizurî emser reya 14. hetê beledîyaya Dêrsimî ra ame viraştene.
Seba teqdîrkerdişê netîceyê festîvalî, hetê beledîya ra yew kombîyayîş ame viraştene. Kombîyayîş de ke salonê kombîyayîşan ê meclisî de ca girewt, hemserekî M. Alî Bul û Nurhayat Altun, ardimkerdox Huseyin Tunç, endamê meclisê beledîya û temsîlkarê partîyanê sîyasîyan beşdar bîy.
Mehmet Alî Bulî tayê kêmasîyê festîvalî neql kerdî, sey nimûne, konserê roja dîyine de ca zaf teng bî. Labelê sey netîce, festîvalê emserî yê parî ra zêde sixlet bî. Milet û beledîya ardim kerd ke meymanan rê cayê rakewtişî estbo. “Festîvalê emserrênî de tayê problemî estbîy ke tebîî yê. La muhîm o ke ma nînan wextê virênîya ma de reyna mekerîme. Seba keda xo, ez her kesî rê vana ke weş û war bê.”
