Seba ke hêrişê rêxistina terorîst a Dewleta Îslamî (DÎ) yê Şengalî şermezar bikero, Rêxistina Şaristanekî yê DBP Mamekîye de yew çalakîya protestoyî viraşte. Protestokerdoxî Kuçeyê Hunerî ra peya şîy Meydanê Seyîd Rizayî.

Nûmayîş de hemsereka beledîya Nurhayat Altun, ardimkerdoxê hemsereke Îbrahîm Kasun û  Huseyin Tunç, temsîlkarê partîyanê sîyasîyan û xeylê hemwelatîyî beşdar bîy.

BDP ra Ergîn Dogruyî qiseykerdişê xo de va ke mabênê qirkerdişê êzîdîyan û qirkerdişê elewîyan de ferq çin o: eke mesum yenê kiştene, yew o. “Kes nêvajo qey êzîdîyî tena yê. Ma destûr nêdanîme ke qetlîamê ke tarîx de amey kerdene, xo tekrar bikerê.”

DÎ 2. tebaxe de hêrişê şaristan û qezaya Kurdîstanî Şengalî kerd. Şengal de zafêrî kurdê êzîdîyî ciwînê. Seba ke xeylê kesî remay Koyê Şengalî, ê uca semedanê şertanê çetinan ê koyî ra zehmetîya girane ancenê. Raporê UNICEF ra roja bazarî ra bi nat dorê 40 domanî merdî. Sebebê merdişî “şidet, tehcîr, têşanî û vêşanî” yê. Goreyê xebera Rûdawî ra kî Koyê Şingalî ser o hûmara merdeyan saeta bi saete bena berze.

UNICEF îqaz kerd ke da-25.000 domanî ko ser o bê awe û bê nan ê.

1 ŞÎROVE

CEWAB BIDE

Keremê xo ra şîroveyê xo binuse
Keremê xo ra nameyê xo binuse