Albuma newîye yê hunermendo kirmanc Ferhat Tunç asma verên de vejîyaya. Na albume de kilamê rindekî bi (eve) kirmanckî u ingîlîzkî estê. Nameyê albume “Şuware Kırmanciyê” yo.

Ferhat Tunç derheqê albumê xo ser nîya vano “Hardekê domanênîya mi teser vîyerdo heskerdisê mino taybetîk her waxt serre uskay bî. Çiye ke mi seba Dêrsim viraşt mire hata nika senik aseya. Çike ez zonê ma raver de hen rind besenîkerdene qisey kerîne, na 5 seranê newayen de mi xo da zonê ma serrî u ewro ebe şabiyayiş u keyfweş beseken ke vajine, zone ma hîna rind qisey kena. Na manara deyirbazê je mino ke xeyle serrî ziwanê Tirkî de sanata xo viraşto, peyseramayişê mino ebe no albumê Kirmanckî xeyle raverşiyayişê famino.”

Albuma “Şuware Kırmanciyê” de 10 kilamî estê. Pêro kilamê na albumê Kirmanckî ye. Merdim (mordem) şîkîno na albume de vengê Kirmancîyê ser bi keyfweşîye goş bido. Na album seba kulturê Dêrsimî ser ju çilaya muhîm a.

Seba nasbidayişê albuma Şuware Kırmanciyê Ferhat Tunc Oslo de ju konser day bî. Kilamî ke na albumî de yene vatene, arşîvê muzîgê dînya de caye xo cene.
Kilamî ke tedere: Şuwara Kirmanciyê, Wad Bo, Govendîa Milaketo, Phitê mi, Abaso, Ma Çi Dî, Hewa Sile Surî, Hora Hora, Çuxure, Biko.

‘’Korya na biveso
Ax bira ordîye Hemilkanî
Siroke nîştu vapura na îzmîrî
Zalimo felek mira nêkot be durî
Dada na Abaso
Leminê Abaso
Ordîye Hemilkanî de
Hem soforo hem cawuso baso wiy
Mektuba Abaşî ama
Silam keno der u cîranî
Jûkekê mira thaba çîno
Ez serê zerrîa xo sanî
Dada bîye bîye
Abasê mi biye
Siroke cemsa mi na demdîye
Kûnya mi gurte rusne Mamekîye

Na album bihêrnê: Dersim – Kirmanciye Laments

1 ŞÎROVE

Comments are closed.