Namzedo xoser ê Dêrsimî yê BDP Ferhat Tunçî kanalê televîzyonî yo tirk TV8 de cewabê persanê rojnamegeran da. No program de Ferhat Tunç projeyanê xo, Kamer Genç û persanê bînan ser o vindet.
Tunçî qiseykerdişê xo de va ke Kamer Gençî heta nika temsîlkarîya dewlete kerde, wa ê şarê xo ney. Vatena Kamer Gençî de mesela kurdan çin a, Tunçî naye rexne kerd. “Merdim (mordem) çitur nîya vano? Bi no qiseykerdiş Kamer Genç Tayyîp Erdoganî ra ke ey bi xo krîtîk keno, daha kanperest o. Ez nika Genç û AKP ra pers kena, 30 serran ra nufusê Dêrsimî çayê beno kêmî? Çayê nê koyan de hîna operasyonî yenê viraştene? Kam ke vano mesela kurdan çin a, zonê (ziwanê) ma çin o, tarîxê ma çin o, o kes xêx o. Mesela kurdan zon (ziwan), tarîx û welatê ma yo.”
Ferhat Tunçî nîya dewam kerd: “Heta nika dinya de nêame dîyene ke cêncî yenê kiştene û meyîtê înan dima ra yenê parçe kerdene. Ma êndî (êdî) nêwazenîme ke cêncanê ma bêrê kiştene. YSK (Dezgehê Weçînitişî yê Berzî) ra tepîya nika kî TSK (Artêşa Tirkîya) kot ci. Ma wazenîme ke kampanyaya weçînitişî demokratîk û bêgonî bêro viraştene. Labelê ê wazenê ke pê operasyonan ra kampanyaya ma parçe bikerê”
Qesekerdene Birez Tunc zaf weso u rasto. Niterseno u hertim lewe tekosina sare kurdan de ca gureto. Xojive ma wo ke Ferhat Tunc esto. Sere Dersim yo!
Vielen Dank für den Beitrag. Wieder ein Beweis für den Mut den Ferhet Tunc hat die Wahrheiten klar und deutlich auf den Punkt zur bringen. Ich Denke und bin der festen Überzeugung das Ferhat Tunc die einzige richtige Wahl für Dersim ist.