Mudirîya Beşa Sporî ya Beledîyaya Dîyarbekirî emser reya verêne “Vaştişê Şarî yê Newroze” viraşt.

Bi seyan sporkerdoxî beşdarê vazdayîşî bîy ke Warê Parkê Sumerî de dest kerd ci û Keçî Burcu de xelisîya. Namzedê hemserekîya beledîya Firat Anli û hemserekê qeza yê BDP M. Emîn Yilmaz kî seba destekdayîş vaştî.

Merasîmê sporî de kî qetlîamê Helebce bi kurdkî û tirkî ame yad kerdene. Sporkerdoxan tîşortê bi nuşteyê “newroze pîroz bo” xo ra day.

Cinî û camêrdê ke reştî hîrê cayanê verênan, hetê beledîya ra kupa girewte. Vaştiş û kupadayîş ra tepîya vaştoxî kewtî govende bi def û zirneyan.