Çemê Mizurî de hetê Merkezê Mişewreyê Ciwanan û Aktîvîteyanê Sosyalan (Gençsem) yê Beledîyaya Dêrsimî ra aktîvîteyê raftîngî ame viraştene.

Aktîvîteyê sporê raftîngî Pulur, hetê Halvorî de, dest kerd ci û çemê Mizurî ser o dorê 20 km vîyart. Tey 16 kesî bi di botan beşdar bîy. Elemanê Gençsemî Fuat Gokî ra gore hetê beledîya ra yeno waştene ke xort û ciwanê dêrsimijî beşdarê nê aktîvîteyanê sporî bibê ke muhîmîya tebîetê Mizurî bivînê û bimusê. Melumatan ra gore beledîya plan kena ke hîna zaf aktîvîteyê sporî yê nîyanênî bêrê viraşene.