Asteroîdo girs bi dergîya nêm kîlometreyî do peynîya aşma çeleyî de nêzdîyê dinya ra bivîyaro. 26. çele de cismê asmênî 1,2 mîlyon kîlometreyî nêzdîyê dinyaya ma beno. Tarîx de no asteroîdo tewr girs o ke nîya nêzdî vîyareno.
Melumatê NASA ra gore, mesafeyê asteroîdî aşme ra hîrê rey dûrî yo. Nameyê ci “2004 BL86” o û reya verêne serra 2004 eyaletê DYA New Mexico ra ame dîyene. Asteroîd seba dinyaya ma tehluke nîyo, merdin besekeno bi teleskop ra qayîtê ci bikero.
