Pê perwerdeyê dûrî kursê kirmanckî

0
658

Unîversîteya Artuktluyî yê Mêrdinî de bi hemkarîya şaxê xo yê Enstîtuya Ziwananê Candeyan perwerdeyê dûrî ra kursê kurdkî, hem kirmanckî (zazakî) hem kî kurmanckî (kirdaskî) pêşkêş benê.

Melumatanê keyepelê unîversîte ra gore her dewreyê kursê kirmanckî hîrê aşmî şono. Kurs hewte de di rojî, rojê de kî di seatî yo. Kursê kirmanckî di sewîyeyan de esto: yew seba destpêkerdoxan, yanî êyê ke qet kirmanckî nêzanê, û yew seba înan ke kirmanckî zanenê.

Pêro dersî Înternet ra û bi tirkî benê. Perwerde kî hetê Mutlu Canî ra yeno dayene. Pê perwerdeyê dûrî her kes ke bi xo fîzîkî nêşikîno şêro unîversîte besekeno nîya sertîfîkaya xo bicêro.

Kesê ke wazenê beşdar bibê yan îlanê kursanê neweyan taqîb bikerê, besekenê na adrese zîyaret bikerê.