Lajeko kurdo 12 serran Nîhat Kazanhan ke Cizîre de ame kiştene, defn bî. Meyît sereyê şodirî Dîyarbekir ra otopsî ra vejîya ame berdene bi Cizîre. Bi beşdarîya şarî meyîtê Kazanhanî ame wedardene.

A roje esnafî kepenkê xo ranêkerdî, wendekarî mekteb kî nêşîyî. Wekîlê Şirnexî Faysal Sariyildizî (HDP) qisey kerd va ke gerek kerdoxî desinde bêrê dîyene. “Ma destûr ci nêdanê ke domananê ma ma ra bicêrê! Seba naye ganî ma xo organîze bikerê, bibîme yew.”

Nîhat Kazanhan perey Cizire de amebî kiştene. Qerşune rasterast ginaye sereyê lajekê kurdî ro. Texmîn beno ke polîsê tirkan kiştoxê Kazanhanî bî. Şahidan ra gore wexto ke Kazanhan ame kiştene, polîs û memurê tirkan uca bîyî. Çend rojî yo ke Cizîre de mabênê polîs û protestokerdoxanê kurdan de pêkewtiş esto. Seba çareserkerdiş sîyasetmedarê kurdî Hatîp Dîcle, Selma Irmak û Faysal Sariyildizî ameybî Cizîre. Qiseykerdişê Dîcleyî ra dime hal tenêna sakîn bî, la dima trajedîya girse peyda bîye û Nîhat Kazanhan yew kuçe de giran bî dirbetin. Peynîye de, nêweşxane de lajeko 12serre canê xo kerd vîndî.

1 ŞÎROVE

  1. Ma bi xeyr,
    Her çî ra ver Heq sebir bido dayk û bawkê ey. Ê ke mendî xomla vanî mucadele dewm keno. Ez nêzana no çi tewir yew mucadele yo ke 30 serrî yo kurdî kişîyay-kişîyay tewr peynî de resay yew merhale ke hinî vanî dewlet-beyraq û zonê tirkan dir problemê ma çin o… 🙁 beajan/qehran ver merdim nêzano çi vajo.
    No mabên de:1- Vurîyayîşêko sîte de virazîyayo gelek hol/rind bîyo. Gama ke şima dest bi weşanî kerd, keyepelê şima hemînî vêrnabi, nika ra pey zî şima go hemînan sero bî.
    2- Mintiqaya ma de, merdimo ke nêweş yan zî darbice/dirbetin cil de bo û peynî de bimro ma vanî “ganê xo teslîm kerd”. Merdimo ke yew qeza yan zî pirodayîş de bimro sey vatişê tirkan ma vanî “heyatê xo vînî kerd”. Ez cumle, peynîya xebere de; “..lajeko 12serre canê xo kerd teslîm.” binusîyaynî gelo tenîna rast nêbîynî?
    Wendoxanê hemînî rê silam.

Comments are closed.