Bi rêzenuşteyo newe ma wazenîme fîlmanê tewr rindekan yew ca de bîyarîme pêser. Fîlmê sînemaya Koreyê Başûrî ra no rêzenuştey dewam kenîme.

Oh Dae-su pîye çeyê hen rind nîyo û ju sewe hete polîsan yeno pêgirewtene. O ke qerekol ra vejîno hete merdimê bênaskerdoxî yeno ramnayene û 15 serre ju oda de cadayaye maneno. Kontakê eye yewin ebe teberî ju televîzyon o. O televîzyon ra ju roje xebere ceno ke cenîya ey kişîya u na qetlîamî amo ey serrî eştene.

Çike o vazenoke zerre na odade eqle xo bisewekno, ju roje qerar dano ci ke, her roje binuşno. A roze ra tepiya Oh Dae-su heyate xo keno zerre no nuştiş. Seba bine kontrolardişe herisê xo Oh Dae-su her roje duşte desî ebe paskulî u girmikî antreman virazeno. Ju roje ebe ju goçikê metalî desî lone keno û ju roze xo xafil de teber de vineno. Keso ke ey 15 serrî oda de hepis kerdo, perey u ju telefonê destan keno tunîkê ey. Ju (yew) sewe ju barê Sushi de zerya ju çeneka cence eyra dejena û ey cena bena bone xo. Ju waxt ra tepîya diyemene jumin ju giredayisê seksuel de vînene.

Oh Dae-su ju roze kuno reça keso ke ey ramno, nameyê ey Woo-jîn o. Uska fam keno ke o ebe Woo-jîn pîya şîyo wendegehî u ju skandalo ke ey kuto ci yeno ra ey virr. Çike o ju roje ju kayo heskerdiso werte Woo-jîn û vaye ey nimitey çim keno serr û tepiya her ca de ney qisey keno. Tepîya her kes serre Woo-jîn qiseye xirabînî vila keno. Na semeda vaya Woo-jîn xo kisena. Woo-jîn ebe ju planê xirabinê vazeno ke heyfo xo u vaye xo Oh Dae-su ra bicero.

No fîlm xeyle xelatê festivalî girewto:

Xelata girsê Festîvalê fîlmê Cannes
Xelatê Sinemayê Koreyê Başûrî
Brîtîsh Independent Fîlm Awards
Sîtges Festîval Internacîonal de Cînema de Catalunya 2004 – Fîlmê tewr rindî

5 ŞÎROVEYÎ

  1. No zon, no hemge, no emanete 1.000 serre jedera tepîya resa no roze. 2 sero reke endî hevalê xode tena Kirmanckî qisey ken, nîya ke sero, tirkî ken xo virr ra 🙂 Emegdarê Dersimînfo sima wes be!

  2. Meymanê usar;
    Tirkî zon nêbî bira, bira! Mêrikan kerdî ‘zon”,.Zonê ma zî kerdîy binê bandura xo. De ‘derdê ma têra meke’. Weş be ti.

  3. Ju milet ke sîstemê xo çine bi, hen werte de çart çurt beno sono. Zonê mak henîyo, tena mezgê idealîstê made mendo. Heqa sima esta, na mesela xorîya. Labelê zof rindo ke dikade her çî Kirmanckî yeno nusnayis, wendayis… Eke siyasetkarê ma biverde, ju roce welatê madek her çi zonê made beno…. Labelê eke siyasetkarê ma xo înkar mekere…. Simare ju roza rindeka Bazare.

  4. Willayî to rast va, ewro roja juşemeyî ya (bazar a) germ û rindek a. De ma tayê zî bihume henî nîyo Meymanê Usar? O hetê şima de zî tije esta? Eke çînî ya ez to ra tayê tîje biruşnî, şikir bê pere wo.

  5. Bira Ilhamî talîye mak dika gureyeno u na taw tije mak esta, je terre welatî araq dame 🙂 Hama bine cemed dek bimenîme tija welata ke zerya, gonya, çimanê u mezgê madera, ma onca germ kena. Ebe germîya welatî, xizirî na sewe sima ser senik kero. Bimane wesiyede.

Comments are closed.