Wexto ke şewe bena şîrine
kuçeyan de bêkesîyêda kore bena vila
bêvengîye giran-giran ma cêna binê hukmê xo
O taw ez seba to şîîran doşena estaran ra
û her şîîre de xo rê newe ra dafe nana ro
newe ra…

Zanena…
Ti kî zanena…
Êdî nê şaristanî de
hesrete tenayîye bi hêvîye pîne nêkena
û bîrinan nêpîşena têra…

Alî Aydin Çîçek

PARE BIKE
Alî Aydin Çîçek
Alî Aydin Çîçek serra 1984 de Gimgim de ameyo dinya, nika Îstanbul de ciwîyeno. Çîçek nuştoxê kitab û hîkayeyan o. Serra 2009 de hîkayeya ey a “Xêx”î Musabeqaya Hîkaye û Şîîran a 17. ya Huseyîn Çelebî de xelata dîyine girewte. Dima, musabeqaya fiqrayan ke keyepelê Zazakî.net organîze kerde, tede fiqraya ey “Şima Teskere Nêdanê, Dewlete Dana” xelata yewine girewte. Reyna, 2010 de musabeqaya hîkayeyan a Abdullah Duranî de hîkayeya ey “Mar” xelata mansîyonî girewte. Axir, Musabeqaya Hîkaye û Şîîran a 17. ya Huseyîn Çelebî de zî şîîra ey “Xatir” xelata yewine girewte.

CEWAB BIDE

Please enter your comment!
Please enter your name here