Goreyê Ajansê Xeberan ê Firatî (ANF), hêzanê YPG 30. tebaxe de Cezaa de duştê çeteyanê rêxistina terorîste DÎ de da pêro. Sey netîce 36 endamê DÎ amey kiştene.

Bîy nêzdîyê di hewteyan ke Cezaa de pêrodayîşê mabênê hêzanê DÎ û YPG de estê. Vilaweka YPG de yeno dayene zanayene ke çeteyanê DÎ ceribna ke Dêra Zor û Holî de korîdorê asayîşî yê YPG ke Şengal ra şono Kurdîstanê Rojawanî, bişiknê. Hêrişê DÎ ser o hêzanê YPG û YPJ xo ver da. Verê perojî yê 30. tebaxe 2014 de dewanê Kaxurtî, Ercê, Sefanê û Ekreşê de pêrodayîşî qewimîyay. Şodirê roja peyêne de dewî axir amey xelisnayene.

Melumatanê ANF ra gore 36 çeteyê DÎ amey kiştene. YPG ra gore hetê înan de qet kesî heyatê xo vîndî nêkerd.

CEWAB BIDE

Keremê xo ra şîroveyê xo binuse
Keremê xo ra nameyê xo binuse