Fîlmê dramaya famîlya “Tree of Life” (Dara Heyatî) emser Festîvala Fîlman a Cannesî de xelata girse “Palmo Zerrn” girewte. No fîlm de rejîsor Terrence Mallîckî hîkayêda çêyê (keyeyê) serranê 1950an bi elementanê serreal û îlmî-aksîyon anto (onto). No fîlm de kaybazê namdarî Brad Pîtt, Sean Penn û Jessîca Chastaîn kay kenê.
Bi fîlmê “Melancholia” estareyê Hollywoodî Kîrsten Dunst jê (sey) artîsta tewr rind a Cannesî ameye weçînitene. Rejîsorê nê fîlmî hollandayij Lars von Trîer o. Von Trîer seba qiseykerdişê xo ke tede heyranîya xo ya nazîyan îfade kerdîbî, festîvale ra ameybî teber eştene.
Kaybazo tewr rind kî Jean Dujardin bi fîlmê “The Artist” (Artist) ame.
“Tree of Life” 16.06.2011 de yeno sînemaya. Dergîya nê fîlmî 138 deqa ya û serra 2008 de Amerîka de ame çarnayane. Fîlm hetê viraştiş û qalkerdişê hîkaye ra zaf kompleks o.
