Bi neslêde newe fîrmaya çîynermanê komputure Microsoft wazena ke pîyaseya komputeranê qijkekan, yanî “tablet” rakero. Apple û Google ra tepîya, Mîcrosoft ancîya (onca) wazeno ke xo pîyaseya komputuran de bellî bikero. Şirketê amerîkayijî nara programê sîstemê xoyo newe Windows 8 îlan kerdo.
Mîcrosoft plan keno ke Windows 8 hem komputerêda normale de hem kî yê tabletî de bêro xebitnayene. Seba ke game bi game pêro komputurî benê qijkek û mobîl, kî cewabê Microsoftî no trend ser o Windows 8 o. Managerê Microsoftî Steven Sînofsky Kalîfornîya de tayê detayê Windows 8 da nas kerdene.
Serekranê Windows 8 de nika ra aplîkasyonê neweyî (bi îngilizkî: widgets) estê. Nînan ra xebitnayox besekeno ke xeylê programî goreyê meylê xo bixebitno, mesela qayîtê e-maîlanê xo bikero, reşwa hewa, xeber û aksîyonan de nîyado ya kî fîlm, resim ûêb. seyr bikero.
Aplîkasyonan ra teber kî Windows 8 seba ekranan beno ke desta yenê xebitnayene. Aye ra kî dot Windows 8 pê HTML5, JavaScript û CSS gureyeno ke nîya aplîkasyon û programî rehet yenê viraştene. Explorer 10 zereyê Windows 8 de kî entegre beno.
